“Herta”nın futbolçusu Omar Rekik karyerasını “Arsenal”da davam etdirəcək.

Apasport.az xəbər verir ki, bu barədə məlumatı Premyer Liqa klubunun baş məşqçisi Mikel Arteta verib.

Gənc mütəxəssis tunisli mərkəz müdafiəçisinin onlara əlavə güc qatacağını düşünür: “Rekik bir müddətdir izlədiyimiz gənc və istedadlı futbolçudur. İnanırıq ki, onun uğurlu bir gələcəyi var və komandamıza böyük köməyi dəyəcək”.

“Arsenal”la tezliklə münasibətləri rəsmiləşdirəcək 20 yaşlı oyunçu bununla İngiltərəyə qayıdacaq. “Mançester Siti”nin yetirməsi olan Tunis millisinin üzvü 2017-ci ildən bəri “Herta”nın formasını geyinib. 

Rekik “topçular”ın qış fasiləsində ilk rəsmi transferi olacaq.
 

• Obameyanq hökumətin tənqidindən sonra millidən getdi – “Bu, son damla oldu”
• El-Şaaravinin yeni klubu bilindi – "Sabah"a gəlmədi
• Mbappeni qaçırmaq istədilər - PLAN ÜZƏ ÇIXDI
• Günün canlı yayımlanacaq matçları - TV AFİŞA
• UEFA “Fənərbaxça”ya qarşı hərəkətə keçdi – İki futbolçu ilə bağlı intizam işi açıldı