"Barselona"nın iki futbolçusu komandanı tərk edib.

Apasport.az-ın klubun rəsmi saytına istinadən məlumatına görə, müdafiəçi Jan-Kler Todibo və yarımmüdafiəçi Ballu Tabla başqa kluba keçib.

Todibo mövsümün sonuna qədər "Şalke"yə icarəyə verilib. Almanlar yayda 20 yaşlı mərkəz müdafiəçisini 25 milyon avroya birdəfəlik transfer edə bilərlər. Kataloniya təmsilçisi də 50+10 milyon avro qarşılığında fransalını qaytarmaq hüququna malik olacaq.

Tabla isə yetirməsi olduğu "Monreal İmpakt" klubuna transfer edilib. Kanada millisinin üzvü ötən ili icarə əsasında keçirdiyi MLS klubu ilə 2+2 illik müqavilə imzalayıb.

Qeyd edək ki, Todibo ötən ilin yayında "Tuluza"dan transfer edilmişdisə, Tabla 2018-ci ildə məhz "Monreal İmpakt"dan alınmışdı.

• İtaliyada oyundan öncə gərginlik - 3 yaralı
• Donnarumma PSJ ilə bağlı qərar verib
• Premyer Liqanı İtaliya A Seriyasına dəyişdi
• "Fənərbaxça"nın futbolçusu 2 həftə forma geyinə bilməyəcək
• "Real Madrid" yeni rekord qırıb