“Beşiktaş”ın sabiq futbolçusu klubsuz qaldı

26.01.2022 - 15:46

Fransa “Lion”u müdafiəçisi Marselu ilə vidalaşıb.

Apasport.az saytının məlumatına görə, braziliyalı ilə müqaviləyə qarşılıqlı razılıqla xitam verilib.

2017-ci ildə “Beşiktaş”dan transfer olunan futbolçu bu müddətdə lionluların 167 matçında iştirak edib. Lakin Marselu mövsümün əvvəlində əsas komandadan kənarlaşdırılıb. Onun ikinci komandaya göndərilməsinə məğlub olduqları oyunların birindən sonra gülməsi səbəb olub. Bu, məşqçilər korpusunun qəzəbləndirib.

Qeyd edək ki, Marselunun müqaviləsi 2023-cü ilin yayında başa çatmalı idi.