Avropa Klublar Assosiasiyası (ECA) və Avropa Futbol Agentləri Assosiasiyasının (EFAA) birgə təsis etdikləri “Globe Soccer Awards-2019”a namizəd olan finalçıların siyahısı açıqlanıb.

Apasport.az saytının məlumatına görə, 5 nominasiyada açıqlanan ilkin siyahılarda yer alanlar arasında seçim edilərək daha da qısalıb.

Ən yaxşı futbolçu adına Kriştianu Ronaldo (Portuqaliya, “Yuventus”), Lionel Messi (Argentina, “Barselona”), Məhəmməd Salah (Misir, “Liverpul”) və Vircil van Deyk (Hollandiya, “Liverpul”) iddia edir.

Qadın futbolçular arasında ən yaxşı olmağa üç namizəd qalıb. Bunlar ABŞ millisinin üzvləri Aleks Morqan və Meqan Rapino, həmçinin Lüsi Bronz (İngiltərə) və Amandin Anridir (Fransa).

Ən yaxşı klub adına iddiaçılar “Liverpul” (İngiltərə), “Ayaks” (Hollandiya) və qadınlardan ibarət “Lion” (Fransa) komandalarıdır.

İlin ən yaxşı məşqçisi olmağa Yurgen Klopp (“Liverpul”), Fernandu Santuş (Portuqaliya) və Erik Ten Haq (“Ayaks”) namizəddir.

İlin kəşfi nominasiyasında Ansu Fati (“Barselona”), Erlinq Holland (“Zalsburq”), Ceydon Sanço (“Borussiya” D), Joao Feliş (“Atletiko”) namizədliyi qalıb.

Qeyd edək ki, ən yaxşıların mükafatlandırılması mərasimi dekabrın 29-da BƏƏ-nin paytaxtı Əbu-Dabidə keçiriləcək.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı