"Keşlə"nin sabiq futbolçusu Pablo Xoakin Podio Qazaxıstana köçüb.

Apasport.az saytının məlumatına görə, argentinalı yarımmüdafiəçi "İrtış" klubu ilə 1 illik müqavilə imzalayıb.

Keçidi ilə bağlı yerli mətbuata müsahibə verən 31 yaşlı orta sahə oyunçusu Qazaxıstana uyğunlaşmağın onlara çətin olmayacağını bildirib. Buna səbəb kimi isə bir müddət Azərbaycanda yaşamalarını göstərib: "Fərqli mədəniyyətlərlə tanış olmağı xoşlayıram. Həyat yoldaşım və qızlarım Azərbaycanda yaşadıqları üçün onların burada uyğunlaşma prosesi daha yaxşı keçməlidir".

Qeyd edək ki, 2018-ci ilin yanvarında "Fastav"dan "Keşlə"yə keçən Pablo Xoakin Podio cəmi 6 ay sonra Çexiya klubuna qayıtmışdı.

• Türkiyə Kuboku: “Beşiktaş” və “Başakşəhər"dən qalibiyyət
• Deyvis “Bavariya” ilə yola davam edəcək
• “Çelsi”nin müdafiəçisi “Kristal Pelas”da - rəsmi
• Niko Qonzales “Mançester Siti”də - Rəsmi
• "Bavariya"dan "Tottenhem"ə - rəsmi