“Mançester Siti”nin ukraynalı futbolçusu Aleksandr Zinçenko Azərbaycanla bağlı paylaşım edib.

Apasport.az saytının məlumatına görə, yarımmüdafiəçi instaqram səhifəsi vasitəsilə ölkəsinə dəstək nümayiş etdirən Azərbaycan xalqına təşəkkürünü bildirib.

Ulduz futbolçu Bakıda Ukraynaya dəstək məqsədilə keçirilən aksiyanın görüntülərini paylaşıb, təşəkkür edib.

Həmin görüntüləri paylaşan Azərbaycan millisinin Ukrayna əsilli qadın güləşçisi Mariya Stadnik də təşəkkürünü bildirib. O, paylaşımında Azərbaycan və Ukrayna bayraqlarına da yer verib.

Qeyd edək ki, dünən Ukraynanın Azərbaycandakı səfirliyinin qarşısında bu ölkəyə dəstək aksiyası keçirilib.

• “Bavariya”nın futbolçusu ölkəsinə qayıtdı - RƏSMİ
• Flikdən Xulian Alvares açıqlaması
• "Siti"dən 100 milyonluq transfer
• “Roma”da Ostervolde narahatlığı – İlk tibbi müayinədən keçə bilmədi
• Fransa millisinin üzvü "Fənərbaxça"nın radarında