İngiltərənin “Mançester Yunayted” klubu iki futbolçusunu satmaq niyyətindədir.

Apasport.az saytının məlumatına görə, klub rəhbərliyi yarımmüdafiəçi Nemanya Matiç və müdafiəçi Markos Roxo ilə bağlı təklifləri dəyərləndirməyə hazırdır.

Əgər oyunçularla bağlı sərfəli təklif alınsa, hər ikisi qışda başqa kluba transfer olunacaq. Çünki N.Matiçlə M.Roxo klubun uzunmüddətli planlarına daxil deyil.

31 yaşlı serbiyalı ilə iki Premyer Liqa klubu maraqlanır. N.Matiç “Atletiko” və “Milan”ın da maraq dairəsinə düşüb.

Qeyd edək ki, hər iki futbolçu cari mövsümdə Premyer Liqada 3 oyun keçirib.