Zaqreb "Dinamo"sunun yarımmüdafiəçisi Dani Olmo İtaliya klubuna keçir.

Apasport.az saytının xarici mətbuata istinadən məlumatına görə, 22 yaşlı futbolçu "Milan"la ilkin razılıq əldə edib.

Keçid baş tutarsa, İspaniya millisinin üzvü "rossonyerlər"lə 5,5 illik müqavilə imzalayacaq və illik məvacibi 2,5 milyon avro olacaq. İtaliya təmsilçisi artıq "Dinamo" rəhbərliyi ilə də danışıqlara start verib. "Milan"ın ilk təklifi 20+5 milyon avrodur. A seriyası klubu həmçinin müqaviləyə "başqa kluba satılacağı təqdirdə "Dinamo"ya da ödəniş ediləcək" bəndini əlavə etməyə razıdır.

Qeyd edək ki, "Barselona"nın yetirməsi olan Dani Olmo 2015-ci ildən "Dinamo"nun formasını geyinir.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı