"Neftçi"nin Kiyev "Dinamo"su ilə Antalyada keçirdiyi yoldaşlıq görüşünü izləyənlər arasında "Qalatasaray" rəsmiləri də olub.

Apasport.az saytının yerli mətbuata istinadən məlumatına görə, İstanbul klubunun təmsilçiləri bu addımı "Dinamo" rəhbərliyi ilə görüşmək məqsədilə atıblar.

Məsələ burasındadır ki, Ukrayna təmsilçisinin müdafiəçisi Nikita Burda "cim-bom"un maraq dairəsindədir. "Sarı-qırmızılılar" da bununla bağlı danışıq aparmaq üçün oyun vaxtı tribunada olublar. 25 yaşlı müdafiəçinin transferində israrlı olan türklər qarşı tərəfin şərtləri ilə maraqlanıblar.

Qeyd edək ki, "Neftçi"nin rəqibinə 1:2 hesabı ilə məğlub olduğu görüşdə Nikita Burda iştirak etməyib.
 

• Avropada qış transfer dönəmi başa çatıb: Ən bahalı 10 transfer
• Yaşar Kamal Uğurlu hakimliklə vidalaşıb
• Argentina klubundan “Portu”ya – rəsmi
• Disasi rəsmən “Aston Villa”da
• “Yuventus”un yetirməsi “Fiorentina”da - rəsmi