“Çox həyəcanlıyam. “Levski”də oynamaq mənim arzum idi”.

Apasport.az saytının məlumatına görə, bunu Bolqarıstan millisinin futbolçusu Simeon Slavçev deyib.

Son ilyarımda Azərbaycan çempionu “Qarabağ”ın şərəfini qoruyan yarımmüdafiəçi azad agent statusu ilə “Levski”yə keçib. 3 il Bolqarıstan klubunda oynayacaq futbolçu keçidinə münasibət bildirib: “Uşaq vaxtlarımdan bu komandanın azarkeşlərinin əyləşdiyi B sektorundan “Levski”ni dəstəkləmişəm. “Qarabağ”dan bura gəlmək geriyə addım deyil. Niyə belə olmalıdır axı?”.

S.Slavçev Azərbaycan karyerasına da toxunub. 26 yaşlı futbolçu son vaxtlar oynamamağını, lakin məşqlərinə ara vermədiyini açıqlayıb: “Son vaxtlar “Qarabağ”da oynamaq imkanım olmurdu. Amma mən məşqlərimə ara verməmişəm. Qış təlim-məşq toplanışının əvvəlində tam formada olacağam”.

Qeyd edək ki, S.Slavçev 2018-ci ilin yayında “Qarabağ”a transfer olunmuşdu.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı