![“Qarabağ”la “Neftçi” fərqli qütblərdə](https://apasport.az/storage/news/2019/december/11/big/1576068033078_CtesDmRY.jpeg)
Azərbaycan Premyer Liqasının 2019/20 mövsümünün ilk yarısı yeniliklə əlamətdar olub.
Apasport.az saytının məlumatına görə, əvvəlki mövsümlərdən fərqli, bu dəfə futbolçularla yanaşı, rəsmi şəxslərə də vərəqələr rəsmən qeyd olunub.
14 turda keçirilən 56 görüşdə 22 dəfə belə hadisə yaşanıb. 15 rəsmi şəxs cəzalanıb. Vərəqələrdən 21-i sarı, 1-i qırmızı olub. “Zirə”nin məşqçisi Anar Niftəliyev texniki zonadan kənarlaşdırılıb.
Onlar arasında rekordçu “Neftçi”nin baş məşqçisi Roberto Bordindir. İtaliyalı mütəxəssis 4 dəfə xəbərdarlıq aldıqdan sonra bir oyunu da cəzalı durumda olub.
“Qəbələ”nin sənəddə məşqçisi, faktiki baş məşqçisi Elmar Baxşıyev isə cəzanın bir addımlığındadır. O, üç dəfə xəbərdarlıq alıb.
“Zirə”nin sabiq baş məşqçisi Samir Abasov komandadan ayrılanadək 2 dəfə önündə vərəqə görməyə vaxt tapıb. R.Bordinin köməkçisi Füzuli Məmmədov da iki dəfə cəzalanıb. Digər 11 rəsmi şəxsə bir dəfə vərəqə verilib.
Klublar arasında “Neftçi” öndədir. Paytaxt klubunun dörd üzvü ümumilikdə 8 dəfə önündə vərəqə görüb. “Zirə” və “Qəbələ” hərəyə 4 dəfə rəsmisinin cəzalanması ilə üzləşib. Lakin paytaxt klubunda bunlardan biri qırmızıdır. “Keşlə” və “Sumqayıt”da 2, “Səbail” və “Sabah”da 1 belə hadisə yaşanıb. “Qarabağ” yeganə klubdur ki, onun nümayəndəsi cəza almayıb.
klub |
rəsmi şəxs |
vərəqə (qırmızı) |
Neftçi |
Roberto Bordin |
4 |
Qəbələ |
Elmar Baxşıyev |
3 |
Zirə |
Samir Abasov |
2 |
Neftçi |
Füzuli Məmmədov |
2 |
Neftçi |
Etibar Tariverdiyev |
1 |
Zirə |
Anar Niftəliyev |
1 (1) |
Zirə |
Seymur Rəhimov |
1 |
Keşlə |
Tərlan Əhmədov |
1 |
Qəbələ |
Azər Bağırov |
1 |
Sabah |
İqor Ponomaryov |
1 |
Keşlə |
Mehman Babayev |
1 |
Sumqayıt |
Ayxan Abbasov |
1 |
Səbail |
Seymur Məmmədov |
1 |
Neftçi |
Vüqar Əliyev |
1 |
Sumqayıt |
Eduardo Balado |
1 |