“Silsiləvi qatillər” – AVRO-2020-yə doğru

23.04.2021 - 22:54

Avropa çempionatlarının final mərhələlərinin fərdi qol seriyaları açıqlanıb.

Apasport.az saytının məlumatına görə, bu ilin iyunun 11-də start götürəcək AVRO-2020 ərəfəsində ardıcıl 3 və ya daha çox oyunda qol sevinci yaşayanların cədvəlinə 11 futbolçu daxil edilib.

Beynəlxalq Futbol Tarixi və Statistikaları Federasiyasının (İFFHS) siyahısına Mişel Platini başçılıq edir. Fransalı ulduz ardıcıl 5 matçda meydanı qolsuz tərk etməyib. O, bu qarşılaşmalarda 9 dəfə fərqlənib.

Rəqibləri üçün “silsiləvi qatil”ə çevrilənlərin cədvəlində ikinci yerə Savo Miloşeviçlə Milan Baroş şərikdir. Onlar ardıcıl 4 görüşdə 5 dəqiq “atəş açıb”.

8 futbolçu ardıcıl 3 oyunda qol sevinci yaşayıb. Patrik Klyuvertlə Antuan Qrizmann bu üç matçda 5, Alan Şirerlə Ruud van Nistelroy isə 4 qola imza atıb. Digər dörd oyunçu 3 görüşün hərəsində bir dəfə rəqib qapısına yol tapıb.

yer	futbolçu	komanda	seriya	il	oyunlar
1	Mişel Platini	Fransa	5	1984	Danimarka 1:0 (1), Belçika 5:0 (3), Yuqoslaviya 3:2 (3), Portuqaliya 3:2 (1), İspaniya 2:0 (1)
2	Savo Miloşeviç	Yuqoslaviya	4	2000	Sloveniya 3:3 (2), Norveç 1:0 (1), İspaniya 3:4 (1), Niderland 1:6 (1)
	Milan Baroş	Çexiya	4	2004	Latviya 2:1 (1), Niderland 3:2 (1), Almaniya 2:1 (1), Danimarka 3:0 (2)
4	Viktor Ponedelnik	SSRİ	3	1960, 1964	Çexoslovakiya 3:0 (1), Yuqoslaviya 2:1 (1), Danimarka 3:0 (1)
	Tomas Brolin	İsveç	3	1992	Danimarka 1:0 (1), İngiltərə 2:1 (1), Almaniya 2:3 (1)
	Xristo Stoiçkov	Bolqarıstan	3	1996	İspaniya 1:1 (1), Rumıniya 1:0 (1), Fransa 1:3 (1)
	Alan Şirer	İngiltərə	3	1996	İsveçrə 1:1 (1), Şotlandiya 2:0 (1), Niderland 4:1 (2)
	Patrik Klyuvert	Niderland	3	2000	Danimarka 1:0 (1), Fransa 3:2 (1), Yuqoslaviya 6:1 (3)
	Ruud van Nistelroy	Niderland	3	2004	Almaniya 1:1 (1), Çexiya 2:3 (1), Latviya 3:0 (2)
	Qaret Beyl	Uels	3	2016	Slovakiya 2:1 (1), İngiltərə 1:2 (1), Rusiya 3:0 (1)
	Antuan Qrizmann	Fransa	3	2016	İrlandiya 2:1 (2), İslandiya 5:2 (1), Almaniya 2:0 (2)