"Sumqayıt" mövsümün ikinci yarısına hazırlığını Türkiyənin Antalya şəhərində davam etdirir.

Apasport.az saytının məlumatına görə, "gənclik şəhəri" təmsilçisi təlim-məşq toplanışı çərçivəsində bu gün ikinci yoxlama matçına çıxıb.

Ayxan Abbasovun yetirmələri "Politexnika İaşi" klubu ilə qarşılaşıb. Rumıniya təmsilçisi ilə "Topkapı" otelinin meydançasında baş tutan görüş qollu bərabərliklə nəticələnib. 

Əvvəlcə 12-ci dəqiqədə "Sumqayıt" Xəyal Nəcəfovun qolu ilə hesabı açsa da, fasilədən dərhal sonra status-kvo bərpa edilib. Beləliklə, "kimyaçılar" ikinci yoxlama matçında da qələbə üzü görməyiblər.

Qeyd edək ki, yanvarın 12-dən Antalyada olan "Sumqayıt" ilk yoxlama oyununda Macarıstan "Kaposvar"ına 3:4 hesabı ilə məğlub olub. Premyer Liqa klubu yanvarın 21-də "Arka" (Polşa), 25-də isə Karaqandi "Şaxtyor"u (Qazaxıstan) ilə üz-üzə gələcək.

Yoxlama oyunu
18 yanvar
"Sumqayıt" - "Politexnika İaşi" (Rumıniya) - 1:1
Qol: Xəyal Nəcəfov, 12
Antalya. "Topkapı" otelinin meydançası
 

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək