"Trabzonspor"un hücumçusunu alır - "Napoli"
20.07.2020 - 15:14
"Trabzonspor"un hücumçusu Aleksander Sorlot İtaliyaya köçə bilər.
Apasport.az saytının məlumatına görə, "Napoli" 25 yaşlı forvardın xidmətində maraqlıdır.
İcarə əsasında "bordo-mavililər"də çıxış edən Norveç millisinin üzvü müqavilə ilə "Kristal Pelas"a məxsusdur. Neapol təmsilçisi bu transfer müqabilində Premyer Liqa klubu ilə danışıqlara start verib. "Napoli" Sorlotun keçidi üçün 25 milyon funt-sterlinq ödəməyə hazırdır. Bu isə onun "Trabzonspor"dan ayrılacağı anlamına gəlir.
Qeyd edək ki, Aleksander Sorlot cari mövsüm Super Liqada 23 qolla bombardirlər yarışına başçılıq edir.
Oxşar xəbərlər
Ana səhifə
Bütün xəbərlər