“Yuventus”a dönmək istəmir – Adrien Rabyo
12.05.2020 - 14:01
“Yuventus”un yarımmüdafiəçisi Adrien Rabyo komandasını dəyişmək qərarına gəlib.
Apasport.az saytının məlumatına görə, koronavirus pandemiyası səbəbindən ölkəsi Fransada qalan futbolçu Turinə dönməkdən imtina edib.
Mayın 18-də məşqlərə başlamağı planlaşdıran “qoca sinyora”da bütün oyunçulara İtaliyaya qayıtmaq tapşırılsa da, Rabyo bu göstərişə əməl etməyib. O, klubdakı maliyyə problemi ilə əlaqədar maaşların azaldılmasına etiraz bildirib. İllik məvacibi 8 milyon avro olan 25 yaşlı futbolçu mövsüm bərpa olunsa belə, dönməkdə maraqlı deyil.
Qeyd edək ki, Adrien Rabyo bu mövsüm bütün turnirlərdə “Yuventus”un heyətində 24 matç keçirib.
Oxşar xəbərlər
Ana səhifə
Bütün xəbərlər