“İnter” “Simurq”la səfər oyununda ilk hissədən sonra hesabda geri (1:2) olduğu halda, ikinci hissədə üç qol vurmaqla, əzmkar qələbə qazanıb. Bununla da Valentin Xodukinin çalışdırdığı komanda turnir cədvəlində 3-cü pillədə mövqeyini möhkəmlətməklə, “Xəzər-Lənkəran”ı özündən irəli buraxmayıb.
İkinci dövrədə liderləri büdrədən ABN bu il öz meydanında ilk dəfə məğlub olub. Bərdədə keçirilən matçda fərqlənən futbolçuların hamısı Azərbaycan Premyer Liqasında qol hesablarını açıblar. Onlarla yanaşı, ukraynalı Ruslan Kaçur, gürcüstanlı Kaxaber Çxetiani, uruqvaylı Roman Quello, bolqarıstanlı Georgi Vladimirov, braziliyalı Dieqo Qusmao da Premyer Liqada ilk qollarını vurublar. R.Quello kuboku da nəzərə alsaq, son üç oyuna dörd qol vurub. Gürcüstanlı David Bolkvadze ardıcıl 4 oyundur meydanı qolsuz tərk etmir. “İnter”in zədəsini sağaldan milli komandamızdakı oyunçuları Emin İmaməliyevlə Xaqani Məmmədov dörd həftəlik fasilədən sonra qayıdışını qolla qeyd ediblər. Qeyd edək ki, X.Məmmədov bombardirlər siyahısında yığmamızdakı oyundaşı Branimir Subaşiçlə fərqi minimuma endirib.
ABN – “Masallı” – 1:2
Ruslan Rüstəmov, 85 - Boris Qonçarov, 26, Vaja Lomaşvili, 82

“Simurq” – “İnter” – 3:4
Ruslan Kaçur, 8, David Bolkvadze, 30, Kaxaber Çxetiani, 85 – Emin İmaməliyev, 15, Roman Quello, 49, Xaqani Məmmədov, 65, Georgi Vladimirov, 73

“Xəzər-Lənkəran” – “Gənclərbirliyi” – 5:0
Zaur Ramazanov, 10, Dieqo Qusmao, 23, Nadir Nəbiyev, 46, 66, 90

Turnir cədvəli

	Klub	o	q	h	m	t	x
1	Olimpik	17	13	4	0	23-3	43
2	Neftçi	17	12	3	2	32-14	39
3	İnter	18	11	4	3	34-12	37
4	Xəzər-Lənkəran	18	10	6	2	35-13	36
5	Simurq	18	9	3	6	28-18	30
6	Bakı	17	7	6	4	24-15	27
7	Qəbələ	17	8	0	9	21-21	24
8	Qarabağ	17	6	5	6	17-14	23
9	Masallı	18	6	3	9	21-32	21
10	Karvan	17	6	2	9	14-16	20
11	Standard	17	4	6	7	20-19	18
12	ABN	18	1	6	11	9-31	9
13	Turan	17	2	2	13	10-35	8
14	Gənclərbirliyi	18	2	0	16	12-55	6

Bombardirlər: Branimir Subaşiç (“Neftçi”) -13, Xaqani Məmmədov (“İnter”) - 12, Junivan Suares (Olimpik) - 11.

XIX tura sabah keçiriləcək “Olimpik” – “Standard”, “Neftçi” – “Bakı”, “Qarabağ” – “Turan” və “Karvan” – “Qəbələ” oyunları ilə yekun vurulacaq.