Bakı. Vüqar Xeyrullayev - APA-Sport. Rusiyanın “Qazprom” şirkəti Azərbaycan milli komandasının baş məşqçisi Berti Foqtsla əməkdaşlıq etmək istəməyib. “APA-Sport” agentliyinin məlumatına görə, 62 yaşlı mütəxəssisin Almaniyanın “Şalke-04” klubunun baş məşqçisi postuna gətirilməsinə komandanın rusiyalı sponsorları mane olub. Belə ki, Bundesliqada “Verder”ə 1:5 hesabı ilə uduzduqdan sonra istefaya göndərilən baş məşqçi Mirko Slomkanı B.Foqts əvəzləyə bilərmiş. Bu yaxınlarda Almaniya mətbuatına müsahibə verən çalışdırıcı B.Foqtsun niyə xələfi olmadığını açıqlayıb: “Həm Azərbaycan daha cəld tərpəndi. Həm də “Şalke-04”ün əsas sponsoru olan Rusiyanın “Qazprom” şirkəti MDB ölkələrinin hər hansı biri ilə danışıqlar aparan heç bir məşqçini komandada görmək istəmir”.