Bakı. Vüqar Xeyrullayev - APA-Sport. Bakının “Olimpik” klubunun baş məşqçisi Əsgər Abdullayev “İnter”lə oyunlarda məğlub olmayıb. “APA-Sport” agentliyinin məlumatına görə, 48 yaşlı mütəxəssis “Xəzər Universiteti” adını dəyişdiyi vaxtdan indiyədək 7 dəfə bu komanda ilə qarşılaşıb. Ə.Abdullayev “Bakı”ya rəhbərlik edərkən 4, “Olimpik”in baş məşqçisi kimi isə 3 dəfə “İnter”lə üz-üzə gəlib. Mütəxəssis hər komanda ilə yalnız bir matçda xal itkisinə üzülüb. “İnter”lə oyunlarda 5 qələbə qazanıb 2 dəfə heç-heçə edən Ə.Abdullayev yetirmələri 7 qol vurub 1-ni buraxıb. Həmin yeganə qol da kubokun finalına (“Bakı” – “İnter” 2:1) təsadüf edib. Premyer Liqa oyunlarında isə Ə.Abdullayevin qurduğu müdafiə səddi “İnter” üçün keçilməz olub. “Bakı”nı çalışdırarkən 2004/05 mövsümündə 2 (0:0, 2:0), növbəti çempionatda 1 dəfə (1:0) “İnter”lə qarşılaşan mütəxəssis “Olimpik”də də eyni uğura nail olub. 2006/07 mövsümündə qələbə və heç-heçə (0:0, 1:0), birinci dövrədə isə qələbə (1:0) əldə edib.

• Mikautadze üçün “Qalatasaray”a rədd cavabı
• Nedved Fatih Terimlə işləyəcək
• Fatih Terimin yeni iş yeri rəsmiləşib
• "Liverpul" qələbə ilə liderliyə davam edir
• "Sevilya"da yeni müqavilə