Bakı. Mehman Süleymanov – APA-Sport. Azərbaycanın qadınlardan ibarət futbol yığması UEFA-nın Bakıda təşkil etdiyi beynəlxalq turnirin qalibi olub. “APA-Sport”un məlumatına görə, Şamil Heydərovun çalışdırdığı komanda həlledici matçda Makedoniya yığması üzərində 2:1 hesabı ilə qələbə qazanıb. Azərbaycan komandasının vurduğu qolların müəllifləri Olqa Qədimova ilə Nora Abdullayeva olub. Digər oyunda Litva Gürcüstanı eyni hesabla məğlub edib.