Əsgər Abdullayevin çalışdırdığı komanda ötən mövsümdə (2:2) olduğu kimi, “Simurq”la Qaxda keçirdiyi görüşü də heç-heçə başa vurub. Nəticədə son iki oyunda fərqlənə bilməyən “Olimpik”in ən yaxın izləyicisi “Neftçi” ilə xal fərqi 3-ə enib. Hesabat turunda “Neftçi” ukraynalı mütəxəssis Anatoli Demyanenkonun rəhbərliyi altında ölkə kuboku da daxil olmaqla beş oyundan sonra ilk qələbəsini qazanıb. Yenidən 3-cü yerdə qərarlaşan “İnter” “Xəzər-Lənkəran”ı artıq xal fərqinə görə də qabaqlayır. Lənkəran təmsilçisi öz meydanında “Bakı”ya qalib gələ bilmədiyindən, çempionluq şanslarını, demək olar, itirib. “Qarabağ” “Standard”ı yenə 1:0 hesabı ilə məğlub edərək, cari mövsümdə ilk dəfə turnir cədvəlində 5-ci pilləyə yüksəlib. Ümumiyyətlə, XXIII turun açılış matçlarından fərqli olaraq, ikinci oyun günündə məhsuldarlıq çox aşağı olub. Belə ki, 4 matçda qapılara cəmi 2 qol vurulub. Halbuki ilk gündə keçirilən 3 görüşdə 12 qol qeydə alınıb ki, bu da hər qarşılaşmada orta hesabla 4 top deməkdir.

3 may
“Gənclərbirliyi” – “Masallı” – 1:0
Zaur Əsədov, 33

“Turan” – “Qəbələ” – 4:2
Asəf Qədiri, 6, Vurğun Hüseynov, 35, Vüsal Qarayev, 41, Kamal Ələkbərov, 44-pen – Tornike Aptsiauri, 70, Vladimir Tsaranu, 83

ABN – “İnter” – 1:4
Eldəniz Orucov, 80 - Valter Quqlemon, 6, 55, Petar Zlatinov, 12, Xaqani Məmmədov, 31

4 may
“Qarabağ” – “Standard” – 1:0
Ayxan Abbasov, 51

“Karvan” – “Neftçi” – 0:1
Georgi Adamiya, 53-pen

“Xəzər-Lənkəran” – “Bakı” – 0:0

“Simurq” – “Olimpik” – 0:0

Turnir cədvəli

	Klub	o	q	h	m	t	x
1	Olimpik	23	16	6	1	27-6	54
2	Neftçi	23	15	6	2	39-17	51
3	İnter	23	15	4	4	45-17	49
4	Xəzər-Lənkəran	23	13	8	2	42-15	47
5	Qarabağ	23	10	6	7	24-16	36
6	Qəbələ	23	11	1	11	30-29	34
7	Simurq	23	9	6	8	28-22	33
8	Bakı	23	7	9	7	29-24	30
9	Masallı	23	7	4	12	24-37	25
10	Standard	23	5	8	10	25-24	23
11	Karvan	23	6	4	13	21-29	22
12	Turan	23	4	5	14	18-42	17
13	Gənclərbirliyi	23	4	1	18	17-60	13
14	ABN	23	2	6	14	12-43	12

Bombardirlər: Xaqani Məmmədov (“İnter”) – 16, Branimir Subaşiç (“Neftçi”) - 14, Junivan Suares (“Olimpik”) - 11.

Növbəti turun oyunları mayın 9-da, 11-də və 12-də keçiriləcək: “Standard” – ABN, “Masallı” – “Simurq”, “Neftçi” – “Xəzər-Lənkəran”, “İnter” – “Turan”, “Olimpik” – “Karvan”, “Bakı” – “Qarabağ”, “Qəbələ” – “Gənclərbirliyi”