17 yaşadək futbolçulardan ibarət yığmamız (U-17) Madrid klubunun eyni yaşlı komandası ilə bu il sentyabrın 17-də qarşılaşacaq. Bu oyun U-17-nin Madriddə keçirəcəyi təlim-məşq toplanışı çərçivəsində baş tutacaq. Həmin vaxt Avropa çempionatının seçmə mərhələsinə hazırlaşacaq yeniyetmə futbolçularımızın İspaniya paytaxtında daha iki yoxlama matçına çıxacaqları gözlənilir. Bu məqsədlə AFFA rəsmiləri “Atletiko” və “Sevilya” rəhbərlikləri ilə danışıqlar aparırlar.