Bakı. Vüqar Xeyrullayev-APA-Sport. Bakının “Olimpik” klubu Yevlaxın “Karvan” komandasının yeni antirekordunu rəsmiləşdirə bilər. “APA-Sport” agentliyinin məlumatına görə, qarşıdakı turda Azərbaycan Premyer Liqasının lideri ilə qarşılaşacaq yevlaxlılar 6 oyundur qələbə qazana bilmir. Son dəfə oyundan 58 gün əvvəl qələbə qazanan Yunis Hüseynovun yetirmələri martın 15-də “Turan”a 1:0 hesabı ilə qalib gəlmişdi. Ötən tur qələbəsiz matçların sayını 6-ya çatdıran “Karvan” tarixinin ən pis nəticəsini təkrarlayıb. Belə ki, 2006/07 mövsümünün birinci dövrəsində də Y.Hüseynovun yetirmələri Premyer Liqada 6 görüşdə qalib gələ bilməmişdi. Dörd illik tarixə malik rəqibinin yeni antirekordunu müəyyənləşdirmək üçün çempionatın lideri də “Karvan”la oyunda məğlub olmamalıdır.
Qeyd edək ki, yevlaxlılar Premyer Liqa tarixində daha bir antirekordunu artıq bu tur müəyyənləşdirib. Y.Hüseynovun komandası indiyədək ən pis halda mövsümü 7-ci yerdə bitirmişdisə, bu dəfə “Karvan” nəzəri cəhətdən 8-ci pilləyə ümid edə bilər.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları