Hazırda Ağdamın “Qarabağ” komandasını çalışdıran 58 yaşlı türkiyəli mütəxəssisin sözlərinə görə, Lənkəran təmsilçisinin “Qalatasaray” və Türkiyə yığmasının hücumçusu Hakan Şükürü transfer etməsi realdır: “Bildiyimə görə, Hakan Şükürə başqa təkliflər də var. Digər klublar da belə təcrübəli futbolçunu heyətində görmək istəyir. “Xəzər-Lənkəran”ın güclü maliyyə dayağı olduğu üçün Hakana cəlbedici təklif edib, transferi reallaşdırmaq iqtidarındadır”. R.Kara bildirib ki, başçılıq etdiyi komandanın tanınan futbolçuları transfer etməsi gələcəyin işidir: “Biz bunu iki ildən sonra gerçəkləşdirə bilərik. Hazırda bu, planlarımıza uyğun gəlmir. Hələlik komandamıza məşhur futbolçuların keçidi haqda danışmaq düzgün olmazdı. Mətbuatda Hasan Şaşın transferi barədə xəbərləri oxuyub, buna çox təəccüblənirəm”.