Bakı. Kənan Həsənov - APA-Sport. Meksikanın paytaxtı Mexikoda meydançaya düşən ildırım iki futbolçunun həyatına son qoyub. “APA-Sport” agentliyinin məlumatına görə, xoşagəlməz hadisə nəticəsində daha altı nəfər ciddi yaralanıb. Bu şəxslər ikinci dərəcəli yanıq diaqnozu ilə xəstəxanaya yerləşdiriliblər. Faciə idarə komandaları arasında keçirilən oyunun iştirakçılarının hava şəraitinin kəskinləşməsinə məhəl qoymadan mübarizəni davam etdirməsi ucbatından baş verib.