Bakı. Mehman Süleymanov - APA-Sport. Azərbaycan milli komandasının 2010-cu il dünya çempionatının seçmə mərhələsində Lixtenşteynlə rəsmi oyununun başlanma vaxtı dəqiqləşib. “APA-Sport” agentliyinin məlumatına görə, sentyabrın 10-da Tofiq Bəhramov adına Respublika stadionunda keçiriləcək görüş saat 21:00-də başlayacaq. Bu, milli komandamızın qarşıdakı seçmə mərhələdə ilk ev oyunu olacaq. Yığmamız seçmə mərhələyə sentyabrın 6-da Uels millisi ilə səfər matçı ilə başlayacaq. Qeyd edək ki, Kardiff şəhərinin “Millenium” stadionunda keçiriləcək həmin rəsmi oyun Bakı vaxtı ilə 20:00-da başlayacaq.