Bakı. Aqşin Əliyev - APA-Sport. “Xəzər-Lənkəran” Azərbaycan yığmasının dünya çempionatının seçmə qrup mərhələsində keçirəcəyi oyunlarla əlaqədar yaranmış fasilədə yoxlama matçında qüvvəsini sınayacaq. “APA-Sport” agentliyinin məlumatına görə, Rasim Karanın rəhbərlik etdiyi kollektiv Premyer Liqanın debütantı MOİK-in əvəzedici komandası ilə qarşılaşacaq. Oyun sentyabrın 5-də Azərbaycan Dövlət Bədən Tərbiyəsi və İdman Akademiyasının stadionunda baş tutacaq. Bu matçda R. Kara Lənkəran klubunun düşərgəsinə yeni qoşulan futbolçuları sınamaq imkanına malik olacaq.
Qeyd edək ki, Premyer Liqanın ilk 4 turundan sonra 6 xal toplayan “Xəzər-Lənkəran” 7-ci pillədə qərarlaşıb. Ramil Əliyevin çalışdırdığı MOİK-in əvəzedici komandası isə 7 xalla 3-cü yeri tutur.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır