Bakı. Kənan Həsənov - APA-Sport. “Türkiyə yığması FİFA-nın reytinqində 10-cu, biz isə 98-ci sırada yer almışıq. Bu səbəbdən Türkiyənin oyunun favoriti kimi göstərilməsi təəccüblü deyil. Amma rəqib komandanın üzərində psixoloji basqı olacaq. Hamı onlardan qələbə gözləyir”. “APA-Sport” agentliyinin məlumatına görə, bu sözləri İrəvanda keçirdiyi mətbuat konfransında Ermənistan futbol yığmasının baş məşqçisi Yan Poulsen söyləyib. Danimarkalı mütəxəssis “doğma meydan” amilinin komandasına əlavə stimul verəcəyini bildirib: “Ötən seçmə tsikldə Polşa və Portuqaliyaya qarşı oyunu Türkiyəyə qarşı da nümayiş etdirməliyik. Biz güclü rəqiblərə qarşı necə mübarizə aparmağı bilirik”.
Qeyd edək ki, Ermənistan - Türkiyə oyunu sentyabrın 6-da İrəvanın “Razdan” stadionunda baş tutacaq.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır