İrəvan. Elşən Məmmədov - APA-Sport. “Biz İrəvana 3 xal üçün gəlmişik. Oyunun siyasi tərəfi ilə maraqlanmırıq”. “APA-Sport”un məlumatına görə, bu sözləri Türkiyə milli komandasının futbolçusu Arda Turan deyib. “Ay-ulduzlular”ın bu gün İrəvanda Ermənistan yığması ilə keçiriləcək oyunla bağlı fikirlərini bölüşən 21 yaşlı yarımmüdafiəçi qrup mərhələsinə yaxşı başlamaq istədiklərini bildirib. Bu səbəbdən, Arda qələbə qazanmaq məcburiyyətində olduqlarını vurğulayıb: “Komanda yoldaşlarımdan zədəlilər var. Amma biz bir kollektivik və hər çətinliyin öhdəsindən gəlməyə qadirik. Türkiyəyə 3 xalla dönəcəyik”.
Qeyd edək ki, “Razdan” stadionunda keçiriləcək Türkiyə - Ermənistan matçı Bakı vaxtı ilə saat 21:00-da başlanacaq.

• “Real” düşərgəsində sevindirici xəbər
• “Borussiya” 3 xalı 4 qolla qazandı
• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət