Bakı. Mehman Süleymanov – APA-Sport. İkiqat dünya çempionu Ronaldo Braziliya yığmasına qayıtmaq istəyir. “APA-Sport”un məlumatına görə, bu ilin sentyabrın 22-də 32 yaşlı tamam olacaq futbolçu dizindəki ağır zədə tam sağaldıqdan sonra yenidən milli komandada çıxış etmək arzusunda olduğunu bəyan edib. Ronaldo etiraf edib ki, Braziliya yığmasında çıxış etmək üçün darıxıb. “Yekədiş” ləqəbli forvard bunu reallaşdırmağı ən böyük məqsədi olduğunu qeyd edib: “Milli komandamızın qapıları hamı üçün açıqdır. Yenidən yığmaya dəvət olunmaq üçün yaxşı oynamaq lazımdır”. Hazırda Braziliya yığmasının düşərgəsində olan Ronaldo komanda yoldaşlarına Boliviya ilə 2010-cu il dünya çempionatının seçmə mərhələ oyununda dəstək verir. O, səfərini oyundaşlarına baş çəkməklə əlaqələndirib.

• Osimhen ilk qolunu vurdu, "Qalatasaray"ın seriyası qırıldı
• “Real” düşərgəsində sevindirici xəbər
• “Borussiya” 3 xalı 4 qolla qazandı
• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək