Bakı. Mehman Süleymanov - APA-Sport. “Neftçi” klubunun kapitanı Zaur Tağızadənin məşq etməsinə qadağa qoyulub. “APA-Sport”un məlumatına görə, İstanbulda müayinədən keçən 29 yaşlı futbolçu xoşagəlməz cavab alıb. Belə ki, müayinənin nəticələrinə əsasən, Zaurun məşq etməsinə icazə verilməyib. Bir müddət müalicə olunacaq Tağızadənin bu məqsədlə Almaniyaya yollanacağı gözlənilir.

Komandanın almaniyalı yeni baş məşqçisi Hans-Yurgen Gede futbolçunun vətənində müalicə olunmasını istəyir. Hazırda isə kapitan komandanın Qızılcahamam toplanışında yer alıb. “Neftçi” sabah səhər məşqindən sonra Ankaraya yollanacaq.

• Mbappe ən yaxşı adına layiq görüldü
• Şeşko karyerasını Premyer Liqada davam etdirə bilər
• Portuqaliya millisinin Azərbaycanla oyunlar üçün heyəti açıqlanıb
• "Benfika" 3 il bütün idman yarışlarından kənarlaşdırıla bilər
• Kerem Aktürkoğlu La Liqa nəhənginin radarında