Bakı. Vüqar Xeyrullayev - APA-Sport. “Bəxtimiz gətirdi ki, Bakıdan bir xalla ayrılmağı bacardıq. Azərbaycan yığması çox yaxşı oynasa da, qol vura bilmədi. Xüsusilə, ilk 20-25 dəqiqədə təzyiqə dözməli olduq. Almaniyaya məğlubiyyətdən sonra bizə bu nəticə çox vacib idi”. “APA-Sport”un məlumatına görə, bu sözləri Lixtenşteyn milli komandasının baş məşqçisi Hans Peter Zauq deyib. 2010-cu il dünya çempionatının seçmə mərhələsində keçirilən Azərbaycan – Lixtenşteyn matçından sonra qonaqların isveçrəli çalışdırıcısı daha çox həmkarını müdafiə etməklə məşğul olub. Mətbuat konfransında jurnalistlərin Berti Foqtsa tənqidi suallar verməsi Zauqu bir anlıq vəkil ampluasında çıxış etməsinə səbəb olub: “Məni ən çox o təəssüfləndirir ki, burada bizim komandanı çox zəif sayırlar. Baş məşqçiyə inanmamağınız məni təəccübləndirir. Görürəm ki, Foqts düzgün yoldadır və ona vaxt vermək lazımdır. Axı komandanız da çox yaxşı oynadı”

• "Liverpul" Avropa çempionunu istəyir
• “Ulduz Cup”a yekun vuruldu
• Almaniyalı məşqçi yol qəzasında vəfat edib
• "Trabzonspor" Portuqaliya klubunun iki futbolçusunu transfer edib
• "Qarabağ"ın rəqibi futbolçusunu Türkiyə klubuna icarəyə göndərib