Bakı. Mehman Süleymanov - APA-Sport. UEFA Çempionlar Liqasının (ÇL) cari mövsümün mükafat fondu açıqlanıb. “APA-Sport”un məlumatına görə, turnirin qrup mərhələsinin hər bir iştirakçısı 5,5 milyon avro alacaq. Hər qələbə üçün 600 min avro məbləğində mükafat ayrılıb.

1/8 finala vəsiqə üçün mükafat 2,2, ¼ finala 2,5, yarımfinala isə 3 milyon avroya bərabərdir. ÇL-nin qalibi üçün 7, finalçısı üçün 5,4 milyon avro mükafat nəzərdə tutulub. Turnirin qalibi qrup mərhələsində də bütün oyunları qələbə ilə başa vurarsa, bir mövsümə gəliri 23,7 milyon avro təşkil edəcək.

Qeyd edək ki, ÇL-nin ötən mövsümünün ümumi gəliri 824,5 milyon avro olub. Bu, daha əvvəlki mövsümlə (2006/07) müqayisədə 530 milyon avro çoxdur.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır