Bakı. Kənan Həsənov - APA-Sport. Türkiyə Superliqasının oyunlarını idarə edən hakimlər ispan dilində söyüşlər öyrənirlər. “APA-Sport”un məlumatına görə, buna səbəb çempionatda ispanca danışan futbolçuların sayının artmasıdır. Oyunlar zamanı hakimlərin qərarından narazı qalan legionerlər onları ispanca söyüşlərə “qonaq” edirlər. Referilər də vəziyyətdən çıxış yolunu bu dildə səslənən söyüşlərin siyahısını əzbərləməkdə görüblər.
Qeyd edək ki, hazırda Superliqada ispan dilində danışan 40-a yaxın legioner var.