Bakı. Kənan Həsənov - APA-Sport. Portuqaliyanın “Rekord” qəzeti bu gün Çempionlar Liqasının qrup mərhələsi çərçivəsində keçiriləcək “Portu” - “Fənərbaxça” matçı ərəfəsində maraqlı statistika dərc edib. “APA-Sport”un məlumatına görə, Türkiyə təmsilçisinin üzvü Roberto Karlos bu nüfuzlu turnirdə 114-cü oyununa çıxacaq. Maraqlı məqam, “Portu” futbolçularının ümumi matç sayının braziliyalı müdafiəçinin göstəricisindən geri qalmasıdır. Belə ki, Portuqaliya çempionunun üzvlərinin Çempionlar Liqasında ümumi oyun sayı 104-ə bərabərdir.