Bakı - APA-Sport. Braziliya milli komandasının və “Milan”ın üzvü Kaka 2008-ci ildə dünyanın ən yaxşısı olmağa layiq futbolçunun adını açıqlayıb. “APA-Sport”un mılumatına görə, 26 yaşlı yarımmüdafiəçi “Qızıl top” mükafatına portuqaliyalı Kriştianu Ronaldonu layiq sayıb.

“Fikrimcə, bu müsabiqədə Ronaldonun əsas rəqibi Zlatan İbrahimoviç olacaq. Ancaq istənilən halda, “Qızıl top” Ronaldoya verilməlidir. O, bu mükafata ötən mövsüm göstərdiyi parlaq oyuna görə layiqdir” – deyə Kaka bildirib.

Qeyd edək ki, “Qızıl top” mükafatı hər il “France Football” jurnalı tərəfindən dünyanın ən yaxşı futbolçusu seçilən şəxsə təqdim olunur. 2007-ci ildə bu mükafatı Kaka qazanıb.

• İkardi "Fənərbaxça" ilə matçı buraxacaq
• "Fənərbaxça"dan qələbə, "Beşiktaş" xal itirdi
• “Qalatasaray”ın futbolçusu İspaniya yolunda
• “Real”dan Karvaxal qərarı
• Hakiminin taleyinə aydınlıq gəlib