Bakı. Mehman Süleymanov - APA-Sport. İtaliyanın “Milan” komandası Bakıda Azərbaycan klublarından biri ilə yoldaşlıq görüşü keçirə bilər. “APA-Sport”un məlumatına görə, bu haqda paytaxtımızda səfərdə olan “Milan”ın əfsanəvi futbolçusu Daniel Massaro məlumat verib.

“Milan Junior Camp” layihəsi çərçivəsində Bakıya təşrif buyurmuş dünya çempionu belə deyib: “Sizin komandalarla avrokuboklarda qarşılaşmağı arzulayıram. Əgər püşk klublarımızı qitə miqyaslı yarışlarda üz-üzə gətirməsə, “Milan”ın yoldaşlıq görüşü keçirmək üçün Bakıya gələcəyi istisna deyil”.

Massaro, həmçinin Azərbaycanda futbolun inkişafı naminə görülən işləri bəyəndiyini söylərək, ölkəmizdə “idmanın şahı”nın böyük potensiala malik olduğunu vurğulayıb.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA