Bakı. Vüqar Xeyrullayev - APA-Sport. Azərbaycanın 17 yaşlılardan ibarət milli komandasının iki üzvü gələn ay Almaniyaya yollanacaq. “APA-Sport”un məlumatına görə, azərbaycanlı futbolçular Frankfurtun “Ayntraxt” klubunun 17 yaşlılardan ibarət komandası ilə məşq edəcək. Almaniya təmsilçisinin heyətində təlim-məşq toplanışına qatılacaq həmyerlilərimizin kimliyinə hələ aydınlıq gəlməyib. AFFA ilə “Ayntraxt” arasında əldə olunan ilkin razılığa görə, azərbaycanlıların Frankfurt təmsilçisində hazırlıq keçməsi ilə bağlı bütün xərcləri almaniyalılar öz üzərinə götürüb. Anlaşmanın şərtlərinə əsasən, hər il bir dəfə futbolçularımız “Ayntraxt”ın düşərgəsinə yollanacaq.

• Arda Turanın komandası sabiq “Fənərbaxça”lını transfer etdi
• “Real”ın ulduzu İstanbul yolunda? – “Fənərbaxça” hərəkətə keçdi
• Dünya çempionu "Yuventus"a doğru: Martinezdə son mərhələ
• “Beşiktaş”da oynadı, “Fənərbaxça”ya keçir? – Danışıqlar başladı
• Çalhanoğlundan DÇ mesajı – “Hədəfim kuboku qaldırmaqdır”