Bakı. Mehman Süleymanov - APA-Sport. Azərbaycanın 19 yaşlılardan ibarət yığma komandasının Avropa çempionatının seçmə mərhələ oyunlarındakı heyəti açıqlanıb. “APA-Sport”un məlumatına görə, baş məşqçi Yaşar Vahabzadə seçmə mərhələ oyunlarında 19 futbolçunun xidmətindən istifadə edəcək. Bunlar Osman Umarov, Səlahət Ağayev, Novruz Məmmədov, Sərraf Yusifzadə, Zahid Quliyev, Pərviz Bayramov, Mixail Zaytsev, Fərrux Rəhimov, Şəhriyar Xəlilov, Amid Quluzadə, Emin Mustafayev, Eşqin Quliyev, Kamil Nurəhmədov, Murad Qurbanov, Mirhüseyn Seyidov, Məhəmməd Qurbanov, Elvin Musazadə, Orxan Həsənov və Ramil Rəhimzadədir.

Bu futbolçulardan Məhəmməd Qurbanov gələn ay Madridin “Real” klubunun təlim-məşq toplanışında iştirak etmək üçün İspaniyaya yollanacaq 4 futbolçudan biridir. Həmin oyunçulardan digəri – yarımmüdafiəçi Araz Abdullayev, habelə müdafiəçi Emin Cəfərquliyev U-19-nun sıralarında yoxdur. Vahabzadə Avropa çempionatının seçmə mərhələ oyunlarında alman həmkarı Berti Foqtsun milli komandaya cəlb etdiyi bu iki futbolçunun xidmətindən yararlanmayacaq.

Qeyd edək ki, Macarıstanda keçirilən ilkin qrup mərhələsi oyunlarında yığmamızın rəqibləri meydan sahibləri ilə yanaşı, Şotlandiya və San-Marinodur. İlk oyununu oktyabrın 20-də Bakı vaxtı ilə 17:30-da şotlandlarla keçirəcək Vahabzadənin komandası 22-də Macarıstanla (20:30), 25-də San-Marino ilə görüşəcək. Qrupda ilk iki yeri tutan yığmalarla yanaşı, birbaşa növbəti mərhələyə vəsiqə qazanacaq. Qruplarda 3-cü yeri tutan ən yaxşı göstəricilərə malik komandalar arasında da növbəti mərhələyə çıxanlar olacaq.

• "Yuventus" Poqba ilə yollarını ayırıb - RƏSMİ
• Buffon ən yaxşı adına layiq görülüb
• “İnter”də yeni müqavilə
• Alonso "Real"a qayıtmağa yaxındır
• Kvaratsxeliya İspaniya yolunda