Foqts yığmada gənclərin sayını artıracaq - MÜSAHİBƏ
16.10.2008 - 15:33
Bakı. Mehman Süleymanov - APA-Sport. Azərbaycan milli komandasının baş məşqçisi Berti Foqts Bəhreynlə yoldaşlıq görüşündən sonra müsahibə verib. “APA-Sport”un məlumatına görə, 62 yaşlı alman mütəxəssis dörd aylıq fasilədən sonra qazanılan səfər qələbəsinə və millidə şans verdiyi gənc futbolçuların çıxışına toxunub.
- Millinin təlim-məşq toplanışı və keçirdiyi iki oyun barədə ümumi fikirlərinizi bilmək istərdik…
- Ümumilikdə, toplanışdan və keçirdiyimiz oyunlardan razı qalmışam. Məni qane etməyən Finlandiya yığmasına məğlub olmağımızdır. Bununla belə, finlərlə oyunda komandamızın fiziki hazırlığının yaxşı olması sevindirici haldır. Bir məqamı da vurğulamaq istəyirəm ki, Finlandiya yığmasına məğlub olmasına baxmayaraq, komanda qısa müddət ərzində toparlanmağı bacardı və bunun nəticəsi olaraq Bəhreyn millisinə qalib gələ bildi.
- Gənc oyunçulara millidə debüt etmək imkanı verdiniz. Onların çıxışı sizi qane etdimi?
- Əlbəttə, ilk addımdaca hər şey yüksək səviyyədə ola bilməz. Amma ümumilikdə, onların çıxışından razı qaldım. Emin Cəfərquliyevi adət etmədiyi mövqedə oynatsam da, etimadı doğrulda bildi. Vaqif Cavadovun oyununu xüsusi qeyd etmək istəyirəm. O, yaxşı futbolçu ola biləcəyini bir daha sübut etdi. Rəşad Sadıqovun, qapıçımız Kamran Ağayevin, Elvin Məmmədovun çıxışından çox xoşum gəldi. Ümumiyyətlə, futbolçularımdan razıyam və bir daha bildirirəm ki, Azərbaycanın çox yaxşı milli komandası olacaq.
- Əvvəlki müsahibələrinizdən birində demişdiniz ki, futbolçularımız məşqdə nümayiş etdirdiklərini oyunda göstərə bilmirlər. Bəhreynlə oyun bu baxımdan istisna oldumu?
- Təəssüf ki, yalnız ikinci hissədə komanda tələb etdiyim kimi oynadı. Bunun üçün isə fasilədə futbolçularla bir daha söhbət etməli oldum. Amma yaddan çıxarmaq olmaz ki, komandamız ikinci hissəyə bir nəfər azlıqda başladı.
- Yeri gəlmişkən, millimiz hesabda geri olarkən Rail Məlikov ikinci sarı vərəqə ilə cəzalandırılaraq meydanı tərk etməli oldu…
- Rail kimi futbolçularla işləmək mənə xüsusi zövq verir. Əlbəttə, elə məqamlar var ki, gərək soyuqqanlı davranasan. Bir şeyi qeyd edim ki, Rail çox yaxşı futbolçudur və bəlkə də heç özü nə dərəcədə yaxşı futbolçu olduğunun fərqində deyil.
- Oyunun gedişində tez-tez hakimə etiraz edirdiniz. Referinin idarəçiliyindən razı qaldınızmı?
- Mən heç vaxt hakimlərin idarəçiliyi ilə bağlı mətbuata fikir bildirmirəm.
- Son toplanışda Araz Abdullayev və Emin Cəfərquliyev kimi gənc futbolçular milliyə dəvət olundu. Bu tendensiya davam edəcəkmi?
- Bəli. Futbolun inkişafı üçün gənclərə şans verilməlidir. Araz və Emin milliyə dəvət olunan sonuncu gənclər deyil.
Mənbə: affa.az
- Millinin təlim-məşq toplanışı və keçirdiyi iki oyun barədə ümumi fikirlərinizi bilmək istərdik…
- Ümumilikdə, toplanışdan və keçirdiyimiz oyunlardan razı qalmışam. Məni qane etməyən Finlandiya yığmasına məğlub olmağımızdır. Bununla belə, finlərlə oyunda komandamızın fiziki hazırlığının yaxşı olması sevindirici haldır. Bir məqamı da vurğulamaq istəyirəm ki, Finlandiya yığmasına məğlub olmasına baxmayaraq, komanda qısa müddət ərzində toparlanmağı bacardı və bunun nəticəsi olaraq Bəhreyn millisinə qalib gələ bildi.
- Gənc oyunçulara millidə debüt etmək imkanı verdiniz. Onların çıxışı sizi qane etdimi?
- Əlbəttə, ilk addımdaca hər şey yüksək səviyyədə ola bilməz. Amma ümumilikdə, onların çıxışından razı qaldım. Emin Cəfərquliyevi adət etmədiyi mövqedə oynatsam da, etimadı doğrulda bildi. Vaqif Cavadovun oyununu xüsusi qeyd etmək istəyirəm. O, yaxşı futbolçu ola biləcəyini bir daha sübut etdi. Rəşad Sadıqovun, qapıçımız Kamran Ağayevin, Elvin Məmmədovun çıxışından çox xoşum gəldi. Ümumiyyətlə, futbolçularımdan razıyam və bir daha bildirirəm ki, Azərbaycanın çox yaxşı milli komandası olacaq.
- Əvvəlki müsahibələrinizdən birində demişdiniz ki, futbolçularımız məşqdə nümayiş etdirdiklərini oyunda göstərə bilmirlər. Bəhreynlə oyun bu baxımdan istisna oldumu?
- Təəssüf ki, yalnız ikinci hissədə komanda tələb etdiyim kimi oynadı. Bunun üçün isə fasilədə futbolçularla bir daha söhbət etməli oldum. Amma yaddan çıxarmaq olmaz ki, komandamız ikinci hissəyə bir nəfər azlıqda başladı.
- Yeri gəlmişkən, millimiz hesabda geri olarkən Rail Məlikov ikinci sarı vərəqə ilə cəzalandırılaraq meydanı tərk etməli oldu…
- Rail kimi futbolçularla işləmək mənə xüsusi zövq verir. Əlbəttə, elə məqamlar var ki, gərək soyuqqanlı davranasan. Bir şeyi qeyd edim ki, Rail çox yaxşı futbolçudur və bəlkə də heç özü nə dərəcədə yaxşı futbolçu olduğunun fərqində deyil.
- Oyunun gedişində tez-tez hakimə etiraz edirdiniz. Referinin idarəçiliyindən razı qaldınızmı?
- Mən heç vaxt hakimlərin idarəçiliyi ilə bağlı mətbuata fikir bildirmirəm.
- Son toplanışda Araz Abdullayev və Emin Cəfərquliyev kimi gənc futbolçular milliyə dəvət olundu. Bu tendensiya davam edəcəkmi?
- Bəli. Futbolun inkişafı üçün gənclərə şans verilməlidir. Araz və Emin milliyə dəvət olunan sonuncu gənclər deyil.
Mənbə: affa.az
0
0
Oxşar xəbərlər
Ana səhifə
Bütün xəbərlər
Hesabım