Subaşiç: nə vaxt, harada və necə?

17.10.2008 - 12:28

Bakı. Vüqar Xeyrullayev - APA-Sport. Azərbaycan milli komandasında oynamaqdan imtina edən Branimir Subaşiç yığmamızda 21 matç keçirib. “APA-Sport”un hesablamalarına görə, millidə 5 qol vuran hücumçunun 18 oyun keçirdiyini iddia edən Serbiya mətbuatı yanlışlığa yol verib.

Ötən il martın 7-də milli komandada debüt edən Subaşiç 19 ay ərzində keçirdiyi 23 qarşılaşmanın yalnız ikisində meydana çıxmayıb. Bu il avqustun 27-də İran, oktyabrın 15-də Bəhreynlə səfər qarşılaşmalarında oynamayan Branimir ardıcıl 17 görüşdə komandada yer almışdı.

Millidə 11 seçmə (8-i qitə, 3-ü dünya) mərhələ oyunu, 7 yoldaşlıq görüşü və bir turnirin üç qarşılaşması var. Seçmə oyunlarda və turnirdə bir qola imza atan 26 yaşlı futbolçu yoldaşlıq matçlarında üç dəfə fərqlənib. Şahin Diniyevin rəhbərliyi altında yığmada debüt edən Subaşiç bu mütəxəssisin dövründə 11, Qyoko Hacıyevskinin rəhbərliyi altında 3, Nazim Süleymanovun 1, Berti Foqtsun 6 oyununda meydana çıxıb. Yığma karyerasında cəmi iki sarı vərəqə olan Branimir ilk oyununu Qazaxıstanın Çimkənt, son görüşünü isə Finlandiyanın Helsinki şəhərində keçirib.

Qeyd edək ki, Subaşiç 2005-2008-ci illərdə “Neftçi”də çıxış edib.

oyun	tarix	oyun	rəqib	meydan	hesab	dəqiqə	qol	vərəqə
1	07.03.2007	BT	Özbəkistan	n	1:0	78	1	-
2	09.03.2007	BT	Qazaxıstan	s	0:1	(20)	-	-
3	11.03.2007	BT	Qırğızıstan	n	1:0	(45)	-	-
4	24.03.2007	AÇSO	Polşa	s	0:5	90	-	-
5	28.03.2007	AÇSO	Finlandiya	e	1:0	90	-	-
6	02.06.2007	AÇSO	Polşa	e	1:3	90	1	-
7	06.06.2007	AÇSO	Qazaxıstan	s	1:1	90	-	-
8	22.08.2007	YO	Tacikistan	s	3:2	60	1	-
9	12.09.2007	YO	Gürcüstan	e	0:0	85	1	1
10	13.10.2007	AÇSO	Portuqaliya	e	0:2	90	-	-
11	17.10.2007	AÇSO	Serbiya	e	1:6	90	-	-
12	17.11.2007	AÇSO	Finlandiya	s	1:2	90	-	-
13	21.11.2007	AÇSO	Belçika	e	0:1	90	-	-
14	03.02.2008	YO	Qazaxıstan	n	0:0	90	-	-
15	26.03.2008	YO	Litva	s	0:1	90	-	-
16	01.06.2008	YO	Bosniya və Herseqovina	s	0:1	90	-	-
17	04.06.2008	YO	Andorra	s	2:1	45	1	-
18	20.08.2008	YO	İslandiya	s	1:1	73	-	-
19	06.09.2008	DÇSO	Uels	s	0:1	90	-	-
20	10.09.2008	DÇSO	Lixtenşteyn	e	0:0	90	-	-
21	11.10.2008	DÇSO	Finlandiya	s	0:1	73	-	1

AÇSO – Avropa çempionatının seçmə oyunu, DÇSO – dünya çempionatının seçmə oyunu, BT – beynəlxalq turnir, YO – yoldaşlıq oyunu, e – evdə, s – səfərdə, n – neytral meydanda.