Bakı. Mehman Süleymanov - APA-Sport. Branimir Subaşiç Azərbaycan milli komandasının haqqında yayılan məlumatlarla bağlı AFFA-ya hesabat verib. “APA-Sport”un məlumatına görə, assosiasiyanın rəsmi saytına açıqlama verən 26 yaşlı milliləşən serbiyalı hücumçu yığmamızdan imtina barədə informasiyaların həqiqətəuyğun olmadığını söyləyib. Subaşiç bildirib ki, onun fikirləri təhrif olunub: “Mən yığmadan imtina etməmişəm. Heç belə fikrim də yoxdur. Azərbaycan mənim ikinci vətənimdir”.
Qeyd edək ki, Branimirin imtinası ilə bağlı xəbərlər çıxış etdiyi Belqradın “Srvena Zvezda” klubunun rəsmi saytında yer alıb.

• “İnter”də yeni müqavilə
• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq