Bakı - APA-Sport. “Xəzər-Lənkəran” klubunun futbolçuları “Neftçi” ilə oyundan öncə iddialı açıqlama veriblər. “APA-Sport”un məlumatına görə, komandanın kapitanı Emin Quliyev meydana yalnız qələbə üçün çıxacaqlarını deyib: “Son turların oyunlarını biz rəqib meydanında keçirmişik. Bu görüşlərdən sonra “Neftçi” ilə doğma meydanda üz-üzə gəlirik. Odur ki, oyun günü meydana toplaşan 15 minlik azarkeşimizə qələbə sevinci yaşatmaq bizim üçün çox vacibdir. Bu qarşılaşmada bizim onların dəstəyinə çox ehtiyacımız var.”

Ölkə çempionatının bombardirləri siyahısına başçılıq edən “Xəzər-Lənkəran”ın bolqar əsilli hücumçusu İvan Çvetkov bu oyunda da qol vurmaq əzmindədir: “Neftçi”yə qarşı ilk dəfə oynayacağam. Bu komanda haqqında eşitmişəm və çempionluğa iddiallılardan olduğunu bilirəm. Bizi çətin oyun gözləsə də, qələbə üçün oynayacağıq.”

Qeyd edək ki, Svetkov Azərbaycan çempionatında keçirdiyi 4 ardıcıl oyunda 8 qol vurub.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq