Bakı - APA-Sport. “Qalatasaray” klubunun məşqçilər korpusunda dəyişiklik olacağı gözlənilir. “APA-Sport”un məlumatına görə, almaniyalı Karl-Haynts Feldkampın yenə “Cim Bom”da çalışacağı barədə xəbərlər yayılıb. Ancaq İstanbul klubu bu xəbəri rəsmən nə təsdiq, nə də təkzib edib.

Növbəti dəfə “sarı-qırmızılı” komandaya qayıdacağı bildirilən 74 yaşlı Feldkampa artıq ilk iş tapşırılıb. “Qalatasaray”ın UEFA kubokunun qrup mərhələsindəki rəqibi “Olimpiakos”un sabah Yunanıstan çempionatının 6-cı turu çərçivəsində “Pantrakikos”la matçını izləmək məhz almaniyalı mütəxəssisə həvalə olunub. Halbuki, öncə bu oyunu “Qalatasaray”ın məşqçisi Tolqa Dəmirdaşın izləyəcəyi deyilirdi. Lakin sonradan rəhbərlik Yunanıstana Feldkampı ezam etmək qərarına gəlib. Təcrübəli çalışdırıcı “Olimpiakos”la bağlı məlumatları “Cim Bom”un baş məşqçisi Mixael Skibbeyə çatdıracaq.

Qeyd edək ki, Feldkamp indiyədək iki dəfə (1992/93 və 2007/08 mövsümündə) “Qalatasaray”ın baş məşqçisi olub. O, ötən çempionatın başa çatmasına 6 tur qalmış gözlənilmədən komandadan ayrılaraq, vətəninə getmişdi.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq