Bakı. Aqşin Əliyev - APA-Sport. Bu gün Azərbaycan Premyer Liqasında VIII turun oyunları start götürüb. “APA-Sport”un məlumatına görə, turun sensasiyası Yevlaxda qeydə alınıb. Belə ki, çempionluğa iddialı “Karvan” öz meydanında autsayder “Turan”la görüşdə 1 xalla kifaytlənib.

Hətta Yunis Hüseynovun rəhbərlik etdiyi kollektiv məğlubiyyətdən final fitinə 10 dəqiqə qalmış yaxa qurtarıb. Əvəzində, “Bakı” və “Qarabağ” klubları asan qələbə qazanıblar. “Olimpik” isə erkən qol sayəsində “Qəbələ”ni minimla hesabla üstələyib.

Növbəti qələbənin ardından “Bakı” 19 xalla zirvəyə yüksəlib. Liderdən 1 xal geri qayıdan “Xəzər-Lənkəran” sabah yenidən 1-ci pilləyə qayıda bilər. Bunun üçün lənkəranlılar “Neftçi”ni məğlub etməlidirlər. Sabah, həmçinin “Bakılı” - “Simurq” və “İnter” - MOİK matçları keçiriləcək.


“Karvan” - “Turan” - 1:1
Kamara, 80 - Qarayev, 36.

“Olimpik” - “Qəbələ” - 1:0
Qedqadze, 3.

“Bakı” - “Standard” - 2:0
Muciri, 49; Naçevski, 90.

“Qarabağ” - NBC - 3:1
Fərhadoviç, 15; 73; Şakiri, 89 – Xəlilov, 64.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq