Bakı - APA-Sport. Son vaxtlar xüsusilə Türkiyə Superliqasında uğursuz çıxış edən “Fənərbaxça” klubu bu gün tilsimi qırıb. “APA-Sport”un məlumatına görə, Luis Araqonesin yetirmələri ölkə çempionatının VII turu çərçivəsində “Kocaelispor”u məğlub ediblər.

Kocaeli şəhərində təşkil olunan matçın birinci hissəsində “Fənərbaxça” qapısından qol buraxıb. Ancaq fasilədən sonra “sarı-lacivərdlilər” Daniel Quiza (64-cü dəq.) və Uğur Boralın (67-ci dəq.) qolları sayəsində hesabda önə çıxıb. Tezliklə “Kocaelispor” tarazlığı bərpa edib. İstanbul klubunun köməyinə isə Semih Şəntürk çatıb. “Fənərbaxça”da 100-cü oyununu keçirən 25 yaşlı hücumçu 6-cı uzatma dəqiqəsində qələbə topunu vurub - 3:2.

Beləliklə, səfərdən 3 xalla dönən “Fənərbaxça” turnir cədvəlində 3 pillə irəliləyərək, 9 xalla 9-cu yerdə qərarlaşıb. Hesabında cəmi 1 xal olan “Kocaelispor” isə əvvəlki kimi, sonuncu - 18-ci sıradadır.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq