Bakı. Aqşin Əliyev - APA-Sport. Sabah Macarıstanda 19 yaşadək futbolçulardan ibarət milli komandalar arasında Avropa çempionatının ilkin seçmə mərhələsinin 1-ci qrupunun oyunları start götürəcək. “APA-Sport”un məlumatına görə, yarışda meydan sahibləri ilə yanaşı, Azərbaycan, Şotlandiya və San Marino yığmaları çıxış edəcəklər.

Təqvimə əsasən, futbolçularımız ilk turda şotlandiyalı həmyaşıdlarına qarşı mübarizə aparacaqlar. Oyun Bakı vaxtı ilə saat 17:30-da başlanacaq. Yaşar Vahabzadənin rəhbərlik etdiyi kollektiv oktyabrın 22-də Macarıstan, bundan 3 gün sonra isə San Marino ilə qüvvəsini sınayacaq.

Qeyd edək ki, ilkin seçmə mərhələdə 52 komanda 13 qrupda yarışır. Hər qrupda ilk iki yeri tutacaq, eləcə də ən yaxşı göstəricilərlə 3-cü pillədə qərarlaşacaq yığmalar elit mərhələyə yüksələcəklər. Elit mərhələdə 28 kollektiv 7 qrupda 7 vəsiqənin sahibini müəyyənləşdirəcək. Avropa çempionatı 2009-cu ilin yayında Ukraynada keçiriləcək.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq