Svetkov bu dəfə “Neftçi”nin cəlladı oldu

19.10.2008 - 20:14

Bakı. Aqşin Əliyev - APA-Sport. Bu gün keçirilən 3 oyunla Azərbaycan Premyer Liqasının VIII turuna yekun vurulub. “APA-Sport”un məlumatına görə, hər 3 matç 2:0 hesabı ilə nəticələnib. Turun mərkəzi görüşü Lənkəranda yerli “Xəzər-Lənkəran” və “Neftçi” arasında baş tutub.

Derbidə hesabı 30-cu dəqiqədə meydan sahiblərinin bolqarıstanlı hücumçusu İvan Svetkov açdı. Premyer Liqa çərçivəsində ardıcıl 5-ci oyunda fərqlənən Svetkov qollarının sayını 9-a çatdırdı. 43-cü dəqiqədə isə Rəşad Abdullayev flaqmanı növbəti dəfə cəzalandırdı. Qalan vaxtda səyləri nəticəsiz qalan “Neftçi” Lənkərandan əliboş qayıtdı. Derbi Yurgen Gedenin ilk məğlubiyyəti və “Xəzər-Lənkəran”ın 1 günlük fasilədən sonra zirvəyə dönməsi ilə də yadda qaldı.

“İnter” asanlıqla MOİK-i məğlub etdi. “Simurq” isə səfərdə “Bakılı”nı üstələdi. Premyer Liqada IX turun oyunları oktyabrın 25-26-da keçiriləcək.

19 oktyabr

“Xəzər-Lənkəran” - “Neftçi” - 2:0
Svetkov, 30; Rəşad Abdullayev, 43.

“İnter” - MOİK - 2:0
Zlatinov, 6; Testimitsianu, 13.

“Bakılı” - “Simurq” - 0:2
E. Məmmədov, 38; Mazyar, 72.

18 oktyabr

“Karvan” - “Turan” - 1:1
Kamara, 80 - Qarayev, 36.

“Olimpik” - “Qəbələ” - 1:0
Qedqadze, 3.

“Bakı” - “Standard” - 2:0
Muciri, 49; Naçevski, 90.

“Qarabağ” - NBC - 3:1
Fərhadoviç, 15; 73; Şakiri, 89 – Xəlilov, 64.

	komandalar	o	q	h	m	t	x
1	Xəzər-Lənkəran	8	7	0	1	18-3	21
2	Bakı	8	6	1	1	16-4	19
3	Simurq	8	6	1	1	12-4	19
4	İnter	8	5	3	0	14-3	18
5	Karvan	8	5	1	2	12-6	16
6	Qarabağ	8	4	1	3	10-10	13
7	Olimpik	8	3	3	2	7-7	12
8	Qəbələ	8	3	1	4	13-8	10
9	Neftçi	8	2	3	3	6-4	9
10	Standard	8	2	2	4	5-11	8
11	NBC	7	1	1	5	6-13	4
12	MOİK	7	1	0	6	2-16	3
13	Turan	8	0	2	6	2-16	2
14	Bakılı	8	0	1	7	4-22	1

Bombardirlər: 9 qol – Svetkov (“Xəzər-Lənkəran”), 5 qol – Muciri (“Bakı”).

IX turun oyunları oktyabrın 25-də və 26-da keçiriləcək:

“Standard” – “Qəbələ”, “Turan” – “Bakılı”, NBC – “Karvan”, “Neftçi” – “İnter”, “Bakı” – “Xəzər-Lənkəran”, “Simurq” – “Olimpik”, MOİK – “Qarabağ”.