Bakı - APA-Sport. Braziliyalı futbolçu Ronaldo yenə yaşıl meydanlara dönmək istəyir. “APA-Sport”un məlumatına görə, hazırda klubsuz olan ikiqat dünya çempionu ilə 3 komanda maraqlanır.

“Futbolla bağlı arzularım çoxdur. Hələ də qollarımla yazmaq istədiyim ağ səhifələr qalıb” - deyə 32 yaşlı hücumçu bildirib. “Yekədiş” zədəsinin sağalmaq üzrə olduğunu da söyləyib: “Futbolçu karyeramı zədə ucbatından deyil, öz istəyimlə başa vurmağı arzulayıram. Bu baxımdan təklifləri nəzərdən keçirirəm. PSJ və “Mançester Siti”dən başqa, İtaliyanın bir klubu da mənə dəvət göndərib”.

Yeri gəlmişkən, Ronaldo 6 aylıq fasilədən sonra gələn ay iş başında olacaq. O, Mərakeşdə təşkil olunacaq xeyriyyə matçında forma geyinəcək. Bu qarşılaşmada fransalı veteran futbolçu Zinəddin Zidan da iştirak edəcək.

Qeyd edək ki, Avropanın ən məşhur klublarının - “Barselona”, “İnter”, “Real”, “Milan”ın şərəfini qorumuş Ronaldo son yarım ildə zədəsini sağaltmaqla məşğuldur. Braziliyalı bu ilin aprelində “Milan”ın heyətində A seriyasının oyununda sıradan çıxıb.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq