Bakı. Vüqar Xeyrullayev - APA-Sport. Azərbaycan Premyer Liqası Argentina mətbuatının tərtib etdiyi siyahıda yer alıb. “APA-Sport”un məlumatına görə, cənubi amerikalı həmkarlarımız argentinalı futbolçuların çıxış etdiyi ölkələrin siyahısını hazırlayıb. Bu ölkədən olan futbolçuların top qovduğu 63 ölkə arasında Azərbaycan da var.

Belə ki, “Bakı” klubunda çıxış edən Fernando Peres ölkəmizdəki yeganə argentinalıdır.
Ümumilikdə isə dünyada 662 argentinalı oyunçu legioner həyatı yaşayır. Onların 302-si Avropa, 252-si Cənubi, 97-si Şimali Amerika, 9-u Asiya, 2-si Okeaniyada oynayır. Argentinalıların 15 faizi “böyük beşlik”də çıxış edir.

Argentina mətbuatı legionerlərlə bağlı şərh yazısında ölkəmizə də toxunub: “Əvvəllər argentinalılar əsasən güclü çempionatlara yollanırdı. İndi isə bizimkilər üçün qeyri-ənənəvi ölkələrdə də “məhsullarımız” var. Andorra, Azərbaycan, Bosniya və Herseqovina, Xorvatiya, Kipr, Slovakiya, Sloveniya, Farer adaları, Latviya, Litva, Malta, Moldova, Çernoqoriya, Norveç, San-Marino, Serbiya, Yeni Zelandiya, İndoneziya, Çin, Hindistan, Maldiv adaları və Vyetnam da buna misaldır”.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq