Azərbaycan milli komandasının baş məşqçisi Berti Foqts siyasi yüklü şok açıqlama ilə gündəmə gəlib. Apasport.az saytının lent.az-a istinadən məlumatına görə, Foqts alman mətbuatına müsahibəsində yığmamızın oktyabrın 14-də 2010-cu il dünya çempionatının seçmə qrup matçında qarşılaşacağı Rusiya haqda fikirlər səsləndirib.

Foqts bildirib ki, Rusiya Azərbaycanın siyasi dostları sırasına daxil deyil: “Azərbaycanda ruslara qarşı nifrət həddində inciklik var. Bu ölkə uzun illər ərzində rusların istismarını və zülmlərini hiss edib”.

63 yaşlı mütəxəssisin fikrincə, yığmamızın futbolçuları Rusiya ilə oyuna həddən artıq ciddi yanaşırlar: “Oyunçularım ruslara qarşı o dərəcədə kökləniblər ki, hətta bundan 4 gün öncə Lixtenşteynlə səfər matçımızın olduğunu unudacaqlarından qorxuram”.

Foqts 4-cü seçmə qrupdan Cənubi Afrika Respublikasında keçiriləcək dünya çempionatına yollanmağa əsas favorit qismində Almaniya yığmasının adını çəkib.

• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub
• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib